ਕੌਣ ਹਾਂ ਮੈਂ, ਕੌਣ ਹੈਂ ਤੂੰ, ਕੌਣ ਨੇ ਇਹ ਲੋਕੀ ਸਾਰੇ,
ਸਮਝ ਪਵੇ ਨਾ, ਖੁੱਲੀ ਅੱਖੀਆਂ ਘਿਰਿਆ ਜਿਉਂ ਅੰਧਿਆਰੇ
ਮੇਰੇ ਚਿੱਤ ਵਿੱਚ ਬੇਚੈਨੀ ਏ, ਨਾਲ਼ੇ ਘੁਲਿਆ ਕਾਲਜਾ ਜਾਵੇ,
ਇੱਕੋ ਵਾਰ ਤੇ ਬਸ ਇੱਕ ਹੀ ਵਾਰ, ਕੋਈ ਚਾਨਣ ਰਾਹਵੇ ਪਾਵੇ
ਪਰ ਇਸ ਘੁੱਪ ਹਨੇਰੇ ਅੰਦਰ, ਕੋਈ ਆਸ ਕਿਰਨ ਨਾ ਦਿਸਦੀ,
ਜਿਸ ਦੀ ਲੌ ਦੀ ਲੀਕੇ ਤੁਰ ਕੇ, 'ਮੈਂ' ਸੂਰਜ ਨੁੰ ਜਾ ਮਿਲਦੀ
ਉਂਜ ਪਤਾ ਨਹੀਂ ਅੱਖਾਂ ਮੇਰੀਆਂ, ਨਾ ਝੱਲ ਸਕਣ ਉਹ ਲਿਸ਼ਕਾਰੇ
ਕਿਉਂ ਜੋ ਕਈ ਜਨਮਾਂ ਤੋਂ ਇਹ ਮਨ, ਘਿਰਿਆ ਹੈ ਅੰਧਿਆਰੇ
No comments:
Post a Comment