ਸਿੰਘਾ ਦਾ ਮੁਕੱਦਰ

ਅੱਖਾਂ ਖੁੱਲੀਆਂ ਪਰ ਘੁੱਪ ਹਨੇਰੇ ਨੇ

ਸੋਚਾਂ ਬਹੁਤੀਆਂ ਪਰ ਚੁੱਪ ਚੁਫੇਰੇ ਨੇ

ਹੋਇਆ ਸਹੀ ਕਿ ਸਭ ਗਲਤ ਹੈਸੀ

ਜਵਾਬ ਇਕ ਨਾ ਸਵਾਲ ਬਥੇਰੇ ਨੇ

ਹੁਣ ਤਕ ਤੇ ਨਾ ਕੋਈ ਰਾਹ ਦਿਸੇ

ਹੁੰਦੇ ਰਾਤੋਂ ਬਾਦ ਅਕਸਰ ਸਵੇਰੇ ਨੇ

ਘੱਲੂਘਾਰਿਆਂ 'ਚ ਜਾਨ ਗਵਾਈ ਏਨੀ

ਇਹ ਵੀ ਪੰਥ ਤੇਰੇ ਦੇ ਹੀ ਜੇਰੇ ਨੇ

ਠੱਗੇ ਭੋਲਿਆਂ ਨੂੰ ਹੀ ਸੰਸਾਰ ਲੋਕੋ

ਸ਼ਾਤਰ ਲੈ ਲਏ ਸਿਆਸਤੀ ਬਨੇਰੇ ਨੇ

ਜੰਞ ਪਾਪ ਦੀ ਕਦੇ ਤਾਂ ਵਿਦਾ ਹੋਸੀ

ਪਾਏ ਸਦੀਆਂ ਤੋ ਜਿਨ੍ਹਾਂ ਡੇਰੇ ਨੇ

ਬਾਪੂ ਆਪ ਜੰਗਲਾਂ 'ਚ ਸੀ ਇਕੱਲਾ

ਪਾਪੀ ਜੁਲਮ ਕਮਾਏ ਘਨੇਰੇ ਨੇ

ਸ਼ੈਦ ਜੂਝਣਾ ਤੇ ਜੂਝਦੇ ਸ਼ਹੀਦ ਹੋਣਾ

ਲਿਖਿਆ ਸਿੰਘਾ ਦਾ ਮੁਕੱਦਰ ਚਤੇਰੇ ਨੇ